PROQRAMLAŞDIRMA

Proqramlaşdırma nədir. Ən sadə mənada proqramlaşdırma müəyyən bir işi yerinə yetirmək üçün kompüter dilində verilən əmrlər və ya komandalar toplusudur. Proqramlaşdırma sayəsində gündəlik həyatdımızda gördüyümüz işlər xeyli asanlaşır. Proqramlaşdırmadan istifadə etməklə televizor, planşet, kompüter, ağıllı telefon və sənayedə istifadə olunan alətlər yaradılır və idarə edilir. Onun insan həyatına işdə rahatlıq təmin etmək, insanların iş yükünü azaltmaq, iş yerindəki məhsuldarlığını artırmaq, vaxta qənaət etmək, rabitə asanlığı yaratmaq kimi böyük faydaları var.

Proqramlaşdırmanın tətbiq sahələri. Proqramlaşdırma təhsil, səhiyyə, informatika, əyləncə və sağlamlıq kimi bir çox sahələrdə istifadə edilir. Bir sözlə, gündəlik həyatda rast gəlinən bir çox vəziyyətlərdə iştirak edir. Kimlər proqramçı ola bilər? Proqramlaşdırmaya marağı olan hər bir kəs bu sahə üzrə təcrübəsi olub-olmamasından, təhsil sahəsindən, peşəsindən asılı olmayaraq proqramçı ola bilər. Vacib olan düzgün metodika və düzgün istiqamətləndirmə ilə öyrənməyə başlamaqdır.