QRAFİK DİZAYN SAHƏSİNDƏ NFT

Son vaxtlar, demək olar ki, hər kəsin NFT haqqında danışdığını eşitməmiş olmazsınız. Bu, rəqəmsal dünyada məşhur bir mövzuya çevrilib və rəssamların, qrafik dizaynerlərin və investorların diqqətini çox çəkib. Bütün dünyada insanlar NFT alqı-satqısı haqqında daha çox məlumat axtarırlar və bununla məşhur vizuallar və ya qrafiklər milyonlarla dollara satılır. NFT-ni ilk dəfədən başa düşmək bir az qarışıq ola bilər. NFT-lərin niyə hər yerdə trend olduğunu anlamaq üçün onun əslində nə olduğunu bilməlisiniz.

NFT haqqında nələri bilmək lazımdır?

Qrafik dizayner kimi NFT-yə necə daxil ola biləcəyiniz barədə danışmazdan əvvəl onun təməllərindən başlayaq. NFT (non-fungible token) dəyişdirilə bilinməyən (mübadilə edilə bilməz) simvoldur və rəqəmsal dünyada unikal aktiv hesab olunur. Bunu araşdırsanız, öyrənəcəksiniz ki, mübadilə edilə bilməz tokenlər başqa heç nə ilə əvəz edilə bilməz. Başqa bir aktiv üçün mübadilə edilə bilən simvol (fungible token) satışı edə bilsəniz də, bunların sabit dəyəri yoxdur. Məsələn, 100 dollarlıq əskinas iki 50 dollarlıq əskinasla əvəz edilə bilər. Bu fungile token hesab olunur. Bir NFT isə eyni dəyər üçün dəyişdirə bilməyəcəyiniz tamamilə fərqli bir şeydir.

Bu, istənilən qiymətə satıla və ya alına bilən rəqəmsal sənət kimi unikal bir aktivdir. Bu yaxınlarda NFT kimi satılan çoxlu viral memlər, tvitlər, illüstrasiyalar və animasiyalar var. Twitter-in CEO-su Cek Dorsi ilk tviti milyonlarla dəyərə bazara çıxanda böyük marağa səbəb oldu. Tviti almaq üçün bir çox müxtəlif korporasiyaların təklif etdiyi hərracda o, təxminən 2,9 milyon dollara satıldı. Bu, yüksək dəyəri ilə diqqəti cəlb edən məşhur NFT-nin yalnız bir nümunəsidir.

Bundan başqa, insanlar qrafik dizaynerlər tərəfindən yaradılan rəqəmsal sənət nümunələrinə qiymətləri zamanla arta biləcəyinə görə sərmayə qoyurlar. NFT-lər qısa müddətdə bu qədər populyarlaşdıqca, getdikcə daha çox insan bazarda yeni imkanları araşdırmağa çalışır. Bu barədə düşünsəniz, asanlıqla rəqəmsal aktiv yarada və maraqlı alıcılara yaxşı pul müqabilində sata bilərsiniz. Bu, bizi bu çox vacib suala gətirir. Qrafik Dizaynerlər NFT-yə necə daxil ola bilərlər?

Prosesi başa düşdükdən sonra işinizi rəqəmsal dünyada tanıtmaq sizin üçün çox asanlaşa bilər. Bunun necə işlədiyi barədə aydın təsəvvür əldə etmək üçün siz blokçeynlə tanış olmalısınız.

Blokçeyn şəbəkəsi nədir?

Bu, əsasən NFT ilə əlaqəli məlumatın və unikal kodun saxlandığı bir sistemdir. Hər hansı bir rəqəmsal sənət yaratdığınız zaman onu blokçeyn şəbəkəsində qeyd etməli olacaqsınız. O, unikal hesab edildikdə, siz aktivi istənilən qiymətə sata bilərsiniz.

Siz real sahibi olduğunuz üçün şəbəkə sizə gələcək satışlarla bağlı bütün məlumatları da təqdim edə bilər. Bu o deməkdir ki, bir qrafik dizayner olaraq hər satışdan az miqdarda pul əldə edə bilərsiniz. Alıcılar həmçinin blokçeyndə asanlıqla əldə edilə bilən kod vasitəsilə orijinal sahibini izləyə bilərlər.

NFT Satışı

Yaradıb satacağınız NFT məhsulu uyğun olduğunu düşündüyünüz hər şey ola bilər. Hətta yaxşı bir loqo dizaynı belə satıla bilər və brendlər və ya şirkətlər bunun üçün açıq platformada təklif verə bilər. Bu, əslində qrafik dizaynla NFT-də böyüməyə başlamaq üçün çox yaxşı bir yoldur.

Addım 1:  Rəqəmsal məhsulunuzu müəyyən edin və yaradın

Bu, NFT dünyasına girərkən atmalı olduğunuz ilk addımlardan biridir. Bazarınızın tam olaraq harada olduğunu və hədəf auditoriyaya nə təklif etdiyinizi anlamaq lazımdır. İdeyalar üçün beyin fırtınası etmək və unikal məhsul yaratmaq sizin üçün vacibdir. Məşhurların və idman simalarının da diqqətini çəkən Bored Ape kolleksiyasından nümunə götürün.

Bu məşhur NFT-lər bütün dünyada alıcılara 200.000 dollardan çox qiymətə satılıb. Bu vizuallar ilk dəfə buraxılan zaman qiyməti olduqca aşağı idi, lakin kriptovalyuta partlayışı ilə bu NFT kolleksiyasının da dəyəri artdı.

Bu gün bazarda dalğalanma olsa belə bu və bu kimi məhsullar minlərlə dollar qiymətinə satılmağa davam edir. NFT-lərin böyük marağa səbəb olmasının ən böyük səbəblərindən biri onların hamısının unikal və eksklüziv olmasıdır. Rəqəmsal məhsullar sosial media platformalarında displey şəkli üçün istifadə edilə bilər. NFT məhsulları satın almış Eminem və Jimmy Fallon kimi məşhurlar da Twitter səhifələrində “Bored Apes” kolleksiyasından istifadə edirdilər.

Qrafik dizayner olaraq, alıcılara təqdim edə biləcəyiniz sənət əsərini və ya illüstrasiyanı müəyyən etmək vacibdir. Buraya ikonlar və ya fiqurlar kimi vizual elementlər də daxil ola bilər ki, onlar da brendinq üçün istifadə edilə bilər. Siz həmçinin insanları sosial məsələlər və ya problemlər haqqında düşünməyə vadar edə biləcək yaddaqalan dizayn yaratmağı da seçə bilərsiniz. Vizual və ya animasiya ilə güclü mesaj göndərə bilirsinizsə, dəyərini sürətlə artıran bir NFT yarada bilərsiniz.

Dizayn sahəsində NFT kimi satıla bilən rəqəmsal sənət yaratmaq üçün müxtəlif üslub və ya üsullar sınaqdan keçirə bilərsiniz. Abstrakt vizuallar, animasiyalar, GIF-lər, qısa videolar və ya simvollar şəbəkədə siyahıya alına bilər.

Addım 2: Blokçeyn ilə tanış olun

NFT bazarını genişləndirmək üçün kriptovalyuta və blokçeyn haqqında mümkün qədər çox məlumat əldə etməyiniz vacibdir. Əsasən, NFT-lər Ethereum platformasında alınır və satılır, lakin rəqəmsal aktivləri dəstəkləyən digər blokçeyn şəbəkələrini də tapa bilərsiniz. Bu, Bitcoin kimi kriptovalyutadır və NFT-lər üçün ən böyük platforma hesab olunur.

Addım 3: Kriptovalyuta alın

Rəqəmsal valyuta almadan NFT-lərlə işə başlamaq çətin ola bilər. Yuxarıda qeyd edildiyi kimi, bu aktivlər Ethereum şəbəkəsində qeyd olunur. Beləliklə, illüstrasiya və ya vizual dizayn yaratmaq və satmaq üçün sizə kriptovalyuta lazımdır. Bu, NFT bazarı ilə əlaqəli rəqəmsal cüzdanda saxlanılır. Yaxşı bir seçim edin və sonradan rüsum və ya ödənişləri ödəmək üçün valyuta almağa başlayın. Rəqəmsal cüzdanınız hazır olduqdan sonra istənilən məbləğə asanlıqla alış-veriş edə bilərsiniz.

Məlumatı təhlükəsiz yerdə saxladığınızdan əmin olun. Rəqəmsal valyuta almadan əvvəl baxa biləcəyiniz bir çox etibarlı şəbəkələr var. NFT satmaq təcrübəsi olan qrafik dizaynerlərdən fikir almaq da sizə çox yardımçı olar.

Addım 4: Doğru bazarı seçin

Bu, yadda saxlamalı olduğunuz olan başqa bir vacib amildir. Bu, qrafik dizaynerlər icması və illüstrasiyalar, videolar və ya 3D dizaynla maraqlana biləcək potensial alıcılarla əlaqə saxlamağa kömək edə bilər. Rəqəmsal dünyada Rarible, OpenSea və Mintable kimi bazarlar NFT-lər üçün çox populyardır. Siz pul kisəsini şəbəkəyə əlavə edə və satış üçün rəqəmsal aktivi siyahıya sala bilərsiniz. Bütün təlimatları diqqətlə izləmək vacibdir.

Bir bazar yeri seçməzdən əvvəl, mövcud seçimlər üzərində geniş araşdırma aparmalısınız. İşinizi sabit qiymətə sata və ya hərraca çıxara bilərsiniz. Auditoriyada maraq yaratmaq üçün məhsulunuz üçün banner şəkli və ya açıqlama hissəsi əlavə edə bilərsiniz.

Addım 5: İşinizi irəli çəkin

Bu, NFT-yə başlamağınıza kömək edə biləcək başqa bir vacib məqamdır. İndiki zamanda qrafik dizayn sənayesində çox böyük rəqabət var. Əvvəldən güclü bir portfolio ilə seçilməyiniz vacibdir. Burada sınaya biləcəyiniz bir neçə şey var:

• İşinizi sosial media şəbəkələrində, bloqlarda və veb-saytlarda tanıtmaqla başlayın.
• Siz həmçinin müxtəlif platformalarda veb-saytınıza keçid əlavə edə bilərsiniz. Beləliklə, getdikcə daha çox insan portfolionuza baxa və işinizlə maraqlana bilər. Portfolionuz üçün veb-səhifə yaratmaq istəyirsinizsə, rahatlıqla veb dizayn müsabiqəsi başlatmağı düşünə bilərsiniz.
• İstənilən keçmiş və ya mövcud müştərilərlə əlaqə saxlayın və mütəmadi olaraq yeniləmələr göndərin.

İnsanlar NFT-ləri almaqda maraqlıdırlarsa, onlar sizin təklif etdiyiniz məhsullara sərmayə qoymaqda da maraqlı ola bilərlər. Bu gün bir çox alıcılar bu məhsulları yaxşı bir sərmayə hesab edirlər, çünki bu, alıcılara rəqəmsal məhsulu alıb sonradan daha yüksək qiymətə satmaq imkanı verir.

Niyə NFT-yə daxil olmalısınız?

NFT yaratmaq və onu onlayn satmaqla əldə edə biləcəyiniz bir çox üstünlüklər var. Kriptovalyuta kimi, gələcək də belə görünür və bir neçə ildən sonra rəqəmsal aktivlərin alınması tendensiyası adi hala çevriləcək. Bu o deməkdir ki, daha çox alıcı NFT-lərə sərmayə qoymağa başladığı zaman siz artıq bazarda təcrübəli olmuş olacaqsınız. Beləliklə, bu, başqaları üzərində üstünlük qazanmağınıza və güclü bir portfolio yaratmağınıza kömək edə bilər.

Bir qrafik dizayner olaraq NFT bazarı da sizə yaradıcılığınızı ifadə etməyə və bütün işinizə tam sahib olmağa imkan verir. Bu, qalereyada və ya çapda fiziki sənət əsəri satmaqdan fərqlidir. Siz istənilən yerdə insanlarla əlaqə saxlaya bilərsiniz və onlar əsəri alıb rəqəmsal mühitlərdə istifadə edə bilərlər. Bazarda və ya bir platformada bir seçim varsa, dizayner satılan hər nüsxədən qonorar ala bilər. Bu, işiniz üçün yaxşı qiymət əldə etmək və sənayedə də ad yaratmaq üçün yaxşı bir yoldur. Metaverse-in təqdim edilməsi ilə artıq qrafik dizaynerlər üçün daha çox bu dünyaya daxil olmaq imkanı var.

Bacarıqlı bir qrafik dizayner olmağı düşünürsünüzsə və işlərinizin qlobal səviyyədə də tanınmasını istəyirsinizsə NFT tam sizlikdir. Bakıda isə qrafik dizaynla yanaşı NFT üzrə təlim və dərslər ala biləcəyiniz sadəcə bir ünvan var. "Compar Academy"də tələbələrin hazırladığı maraqlı işləri və onları NFT bazarlarında necə satdıqlarını canlı dərslərdə izləyə bilərsiniz. (Dərslərlə bağlı məlumatı bu keçiddən əldə edə bilərsiniz.)